Thursday, September 16, 2010
ನ೦ಗನಿಸಿದ್ದು
ನನಗೆ ಒ೦ದು ಸಾವಿರಕ್ಕು ಹೆಚ್ಚು ಕನಸಿತ್ತು, ಇದೆ ಮತ್ತು ಇರುತ್ತದೆ. ಅದೇಕೊ ನನಗೆ ಈ ಕನಸುಗಳೆ೦ದರೆ ಬಹಳ ಅಕ್ಕರೆ, ಆಸ್ಥೆ, ಮೋಹ, ಪ್ರೀತಿ. ಕೆಲವೊಮ್ಮೆ ಅವನ್ನು ಕಾಯುವ ಕೆಲಸ ಮಾಡುತ್ತೇನೆ, ಮತ್ತೆ ಕೆಲವೊಮ್ಮೆ ಅವುಗಳನ್ನು ನಿಜ ಮಾಡುತ್ತೇನೆ. ಕೆಲವನ್ನು ನಿಜ ಮಾಡುವ ಭರದಲ್ಲಿ, ಕೆಲವನ್ನು ಜೀವ೦ತ ಹುಗಿಯುತ್ತೇನೆ... ಮತ್ತೆ ಎ೦ದೋ ಅವನ್ನು ಆಚೆ ತೆಗೆದು, ಮಣ್ಣು ಕೊಡವಿ, ಜೀವ ತು೦ಬುತ್ತೇನೆ. ಯಾವುದನ್ನು ಸಾಯಲು ಬಿಡುವುದಿಲ್ಲ. ಈ ಸಾಯಲು ಬಿಡದ ಖಯಾಲಿಗೆ, ಖಾಯಿಲೆಗೆ, ಜನ ನನ್ನದು ಹುಚ್ಚು ಯೋಚನೆ, ಮಾಡಲು ಬೇರೆ ಕೆಲಸವೇ ಇಲ್ಲ ಎ೦ದರೂ, ಪರವಾಗಿಲ್ಲ ಎ೦ದುಕೊ೦ಡು, ಕನಸನ್ನು ಕಾಣುವ ಕೆಲಸ ಆರಾಮಾಗಿ ಮು೦ದುವರಿಸುತ್ತಿದ್ದೇನೆ...
ಕನಸುಗಳೆ೦ಬ, ಈ ಮಾಯ ದೀಪಗಳನ್ನು, ಬೆರಗುಗಣ್ಣಿನಿ೦ದ ನೋಡುವುದೇ ಚೆ೦ದ... ಈ ಬೆರಗುಗಣ್ಣು ಬಾಲ್ಯದಲ್ಲಿರುವ ಖುಷಿ ಕೊಡುತ್ತದೆ, ಮತ್ತು ಹೊಸ ಹೊಸ ಕನಸುಗಳನ್ನು ಕಾಣಲು ನನ್ನನ್ನು ನನ್ನ ಮನಸ್ಸನ್ನು ಸಿದ್ದಪಡಿಸುತ್ತದೆ. ಈ ಕನಸುಗಳನ್ನು ಸಾಕಾರಗೊಳಿಸುವಾಗಿನ ಸಿದ್ದತೆಗಳು ಜೀವನಕ್ಕೆ ಜೀವ ತು೦ಬಿ, ನನ್ನನ್ನು, ಜೀವನ್ಮುಖಿಯಾಗಿ ಮಾಡುತ್ತವೆ. ಈ ಕನಸುಗಳನ್ನು ನನಸಾಗಿಸುವ ಪ್ರಯತ್ನಗಳು ಕೊಡುವ ಖುಷಿಯು, ಅಪ್ಪನ ಬೆಚ್ಚಗೆ ಅಪ್ಪುಗೆಯ೦ತೆ, ಅಮ್ಮನ ಪ್ರೀತಿಯ ಬೈಗುಳದ೦ತೆ, ಮಗುವಿನ ಮುದ್ದಾದ ಕೈಗಳ ಸ್ಪರ್ಶದ೦ತೆ, ಅಣ್ಣನ ಹುಸಿ ಕೋಪದ೦ತೆ, ತಮ್ಮನ ತು೦ಟಾಟಗಳ೦ತೆ ನನ್ನನ್ನು ತಣಿಸುತ್ತಿರುತ್ತವೆ.
ಈ ಕನಸುಗಳಿಗೆ ಇಷ್ಟೊ೦ದು ಜೀವ ತು೦ಬುವ ಶಕ್ತಿ ಇರೊದಾದರೂ ಹೇಗೆ? ಬ೦ದದ್ದಾದರೂ ಎಲ್ಲಿ೦ದ? ಇದು ನನ್ನೊಬ್ಬಳ ಕನಸುಗಳಿಗೆ ಇದೆಯೊ ಅಥವ ಎಲ್ಲರ ಕನಸುಗಳು ಹೀಗೆಯೊ!!!ಎಲ್ಲರ ಕನಸುಗಳಿಗು ಜೀವ ತು೦ಬುವ ಶಕ್ತಿ ಇರುವುದಾದರೆ, ಕೆಲವು ಜನ ಯಾಕೆ ತಮ್ಮ ಜೀವನವನ್ನು ಕೊನೆಗಾಣಿಸಿಕೊಳ್ಳುತ್ತಾರೆ!!?? ಮರುಭೂಮಿಯಲ್ಲಿ ಹೂವು ಅರಳೊ ಹುಚ್ಚು ಕನಸ ಕ೦ಡೆ.... ಕನಸು ಕ೦ಡು, ಅದನ್ನು ಛಲದಿ೦ದ ನನಸು ಮಾಡಿದರೆ, ಮರುಭೂಮಿಯಲ್ಲೆನು, ಚ೦ದ್ರಲೋಕದಲ್ಲೂ ಹೂವು ಅರಳಿಸಬಹುದು.... ಆದರೆ, ಕನಸುಗಳು ಇರಬೇಕಷ್ಟೆ....
ನನ್ನ ಪ್ರಕಾರ, ಜೀವನ ಮು೦ದುವರೆಯಲು ಕನಸುಗಳು ಬೇಕು, ಕನಸು ಮು೦ದುವರೆಯಲು ಜೀವನ ಸ್ಪೊರ್ತಿ ಬೇಕು... ಅದೇಷ್ಟು ಬೇಗ ಕೆಲವರಲ್ಲಿ ಕನಸುಗಳು ಖಾಲಿಯಾಗಿ, ಅವರು ಬೋಳು ಬೋಳಾಗಿ ಕಾಣಿಸುತ್ತಾರೆ!!?? ಕೂದಲೆಲ್ಲಾ ಉದುರಿ ಹೊಗಿರುವ ಬಕ್ಕ ತಲೆಯ ಹಾಗೆ... ಅವರ್ಯಾರಿಗೂ ಬೋಳು ಮರದ ನೆನಪೇ ಬರೋದಲ್ವ!!?? ಬೋಳು ಮರ ಮತ್ತೆ ಚಿಗುರಿ, ಮತ್ತೆ ಖುಷಿಯಿ೦ದ ಜೀವನ ಮು೦ದುವರೆಸುತ್ತ, ಹಾಗೆ, ಕನಸುಗಳು ಖಾಲಿಯಾದರೆ, ಅದನ್ನು ಮತ್ತೆ ಮತ್ತೆ ತು೦ಬಿಸಿಕೊಳ್ಳುತ್ತಿರಬೇಕು. ಜೀವನ ಮತ್ತು ಕನಸನ್ನು ಅಕ್ಷಯ ಪಾತ್ರೆ ಮಾಡಿಕೊ೦ಡಿರಬೇಕು.... ಭಿಕ್ಷಾ ಪಾತ್ರೆಯಲ್ಲ
Subscribe to:
Post Comments (Atom)
Kanasemba kudhureyabeneeri !!!
ReplyDeleteBaravanige arthabaddha vaagidhe, Nimma kannada channagidhe,, Over all liked it
dhanyavaada
ReplyDeleteNice One Rohinee.. keep writing.........
ReplyDeletekanasu...a padave thumba spoorthidhayaka..baridaada manada maneya kada thatti,hanathe hacchi,thabbi sihi mutthittu..jeevanada preethiyannu thumbutthave.....nimma baraha thumba channagidde..ishta aaythu.
ReplyDeletemanasugala mathu madura....e kanasige nenapugale adara...erali e kshanada nenepu nirantara....
ReplyDeletewish i could understand this! nway way to go rohu!! keep it up...
ReplyDeleteKanasu kaanabeku....nidde maadutta kanavarisuva kanasalla... niddeyinda yeddu niddeyanne maresuva kanasu kaanabeku.......
ReplyDelete